СР ырыа айааччыларын союһа, Кулаковскай аатынан культура киинин “Арктика” государственнай тэрилтэ, СР суруйааччыларын союһун, «Саха» НКИК, республика сахалыы тыллаах хаһыаттарын, “Саха Виктория”, “Киин радио”, “Ийэ Тыл” общество, Ил Түмэн наукаҕа, үөрэхтээһиҥҥэ, культуураҕа, уонна СМИ–гэ кэмитиэтэ, СР композитордарын союһа, СР журналистарын союһа, СР бэчээккэ уонна телерадиовещанияҕа Департамена, продюсерскай кииннэр, студиялар кыттааһыннаах 2008 с. ахсынньы ыйга “Саха ырыатыгар тыл суолтата” төгүрүк остуол тэриллэн ыытыллыбыта.



Манна төгүрүк остуол кыттыылаахтарын, ырытыыларын, санааларын истэн баран дьон-сэргэ киэҥ истиитигэр уус-уран хоһуйууга сыһыана суох, мөлтөх ис хоһоонноох, сыыһа тутуллаах , саха тылын, этиитин буортулуур тыл-өс ырыа буоларын, эдэр ырыа айааччылар саха тылын ханнык да ирдэбилигэр эппиэттээбэт тылы-өһү ырыаҕа тутталларын бэлиэтээтилэр.

 Ырыа-тыл кэрэтин, хоһуйуу хомоҕойун дьоҥҥо-сэргэҕэ тиэрдэр аналлаах. Ырыа нөҥүө тыл иитэр уонна үөрэтэр суолтата таһыма түспүтүн, саха ырыата саха тылын сайдыытыгар уус-уран хоһуйууга суолтатын бэлиэтээн туран Уус-уран Сүбэни тэрийэргэ этии киллэрэллэр. Мунньах түмүгүнэн, маннык уураах ылынылынна:



1. СР ырыа айааччыларын, суруйааччыларын, композитордарын, журналистарын, СР бэчээккэ уонна радиотелевещанияҕа Департаменын, Радиостанцияларын, сахалыы тыллаах хаһыаттарын, ырыа студияларын, СГУ саха тылын салаатын,”Ийэ Тыл” общество холбоһуктаах “Уус-уран Сүбэ” общественнай түмсүүнү тэрийэргэ.



2. “Уус-Уран Сүбэ” үлэлиир балаһыанньатын оҥорорго, Уус-Уран Сүбэ чилиэннэрин талан бигэргэтэр, үлэ сыалын-соругун, былаанын чопчулуур мунньаҕы тэрийэн ыытарыгар СР ырыаны айааччыларын союһун председателигэр А.В.Егоровка, поэт И.Николаев-Уххаҥҥа сорудахтыырга.



3. Саха сирин ырыа айааччыларын, толорооччуларын, ырыаны тарҕатааччыларын, тэрийээччилэрин өйүүргэ, ситимнииргэ, сүбэ-ама, ырытыы, сыанабыл биэрэргэ бу Уус-уран Сүбэ үлэлиэхтээх.



4. Кулун тутар 28-29 к.к. Дьокуускай куоракка СР эдэр ырыа айааччыларын (35 саастарыгар тийэ) айымньыларын ырытарга күөн-күрэс, конференция, төгүрүк остуоллары тэрийэн ыытарга. Эппиэттээх - СР ырыа айааччыларын сойууһа.

 

 

1. Уус-уран сүбэ 2008 сыл ахсынньы СР айар союзтара, хаһыаттара, радиостанциялара, студиялара кыттыылаах ыытыллыбыт төгүрүк остуол быһаарыытынан тэриллэр.



 

2. Уус-уран Сүбэ көҥүл өттүнэн тэриллэр общественнай түмсүү.



3. Уус-уран Сүбэҕэ айар союзтартан, СГУ саха салаатыттан, анал үөрэх тэрилтэлэриттэн,“Ийэ Тыл” обществоттан, сахалыы тыллааах хаһыаттартан, радиостанциялартан, ырыаны оҥорор, таһаарар студиялартан, биллиилээх ырыа айааччылартан талыллан киирэллэр.



4. Уус-уран Сүбэ чилиэннэрин ахсаана хас тэрилтэ, общество киирбититтэн тутулуктаах.



5. Уус-уран Сүбэ Түһэ талыллар. Айымньы хайысхаларынан көрөн Тылга, Мелодияҕа, Доҕуһуолга солбуйааччы Түстэр талыллаллар. Түмсүү дьыалатын бэрийэр, тэрээһин үлэни ыытар эппиэттээх сэкиритээр ананар. 7 чилиэннээх Тойон Сүбэ талыллар.



6. Уус-уран Сүбэ тэрийэн ыытар мероприятияларыттан, кэнсиэртэриттэн , ырытыылартан, редакциялааһынтан киирэр харчыттан хамнастанан жюриларга үлэлиир, ырытыыга киирбит айымнылары кытта үлэлиир.



7. Уус-уран Сүбэ быһаарыылара, сыанабыллара редакциялыыр, рекомендациялыыр, сүбэлиир-амалыыр аналлаахтар. 



8. Уус-уран Сүбэ айар союзтары, айымньылары киэҥ эйгэҕэ таһаарар редакциялары, студиялары, радиостанциялары уонна ырыа, хоһоон айааччылары кытта ситимнээхтик үлэлиир.

Тойон Сүбэ (президиум)



 

Уус-уран Сүбэ Түһэ (председатель) – Егоров Алексей Васильевич – СР ырыа айааччыларын союһун председателэ Тылга солбуйааччы түс – Николаев Иван Николаевич–Уххан, журналист, поэт, общественнай деятель;



Мелодияҕа солбуйааччы түс – Васильев Степан Иванович, СР ырыа айааччыларын правлениетын сэкэрэтээрэ;



Доҕуһуолга солбуйааччы түс – Сергучев Георгий Георгиевич, культура уонна искусство колледжын преподавателэ, биллиилээх аранжировщик;



Саха Сирин суруйааччыларын союһа – Михалева Наталья Владимировна, «Саха» НКИК редактора, поэтесса;



Бэчээт Департамена – Доллонов Владислав Семенович, СР ТРВ уонна бэчээт департаменын салайааччытын солбуйааччыта, журналист, суруйааччы;

«Ситим» медиа-холбоһук – Семенов Михаил Серканович, «КЫЫМ» хаһыат солбуйааччы редактора, Россия журналистарын союһун чилиэнэ.

Андросов Виталий Тимофеевич, СР ырыа айааччыларын союһун правлениетын чилиэнэ, биллиилээх ырыа айааччы;



Павлов Аскалон Николаевич, СР ырыа айааччыларын союһун правлениетын чилиэнэ, СР эстрада театрын артыыһа, биллиилээх ырыа айааччы;



Алексеев Аркадий Михайлович, СР ырыа айааччыларын союһун правлениетын чилиэнэ, биллиилээх ырыа айааччы;



Шахурдина Галина Никитична, СР ырыа айааччыларын союһун правлениетын чилиэнэ, биллиилээх ырыа айааччы;



Индигирскэй Владимир Петрович, СР ырыа айааччыларын союһун правлениетын чилиэнэ, биллиилээх ырыа айааччы «Саха» НКИК «Музыкальный салон» авторскай биэрии редактора, музыкальнай педагог; 



Белоусов Георгий Ефимович - Мичил, СР журналистарын союһун чилиэнэ, «Саха» НКИК редактора, «Куйаар дуораана» радио ыытааччыта, журналист;



Пермякова Марфа Даниловна, «Саха-Виктория» радиостанция кылаабынай редактора;