| Эҕэрдэлиибит! |
| 14 февраля 2009, 18:40 | Көрдүлэр: 19541 | Сонуннар |  |
 Бүгүн «Норд Саунд» бөлөх солиһа Владимир Филиппов тапталлааҕын көрсөн, ыал буоларга быһаарынан, уруу тэрийэр дьоро киэһэтэ. Эдэрдэргэ ыал буолар ытык-мааны күҥҥүтүнэн, кэскил тэринэр кэрэ киэһэҕитинэн эҕэрдэ буолуохтун! Сайаҕас санаалаах, Саргылаах олохтоох Саханы саха дэтэр Ытык-мааны ыал буолуҥ! Олоруҥ дьоллоохтук Оҕолонон, ыччаттанан, Адьас биир киһи курдук Арахсыспат дууһаланан! Эйэҕэс мичээргитин Этиһии энчирэппэтин, Арылхай халлааҥҥытын Араллаан хаарыйбатын! Тыл-тылгытын ытыктаан, Саҥа-саҥаҕытын харыстаан, Сүүс сүүскүтүттэн өйөһөн Сүбэнэн-аманан сылдьыҥ! Арахсыбат аналлаах, Итээбэт иэйиилээх , Уостубат уйгулаах Бигэ-таҕа тирэхтээх, Алгыс курдук олохтоох, Айхаллаах-маанылаах Ыал бастыҥа аатырыҥ! Саха саргытын салҕааҥ, өбүгэ үгэһин үксэтиҥ, алаһа дьиэлэнэн, аал уоттанан унаар буруоҕут субуруйдун, төрөтөр оҕоҕут төлкөлөннүн! Дом! ЫРЫА КЫРДАЛА |
|
Нөрүөн-нөргүй буоллун биһиги саайтпыт ыалдьытыгар! Билигин эн ыалдьыт курдук киирдин. Бэлиэтэнэн киирдэххинэ бу сиртэн элбэҕи бэйэҕэр туһаныаххын сөп.
Майгынныыр сонуннар:
|
« Төттөрү
Ырытыылар (0)
