Саргылана Гольдерова тыллара

Сыллар аастылар, сыллар аастылар,
Быдан дьыллар аастылар,
Эн кэллиҥ, эн кэллиҥ,
Харан хаалбат да кэмнэри,
Халтархай хабылык хаардары
Тоҕо кэһэҥҥин эн кэллиҥ.

Олоруом суоҕа этэ олох да, олох да
Эн кэлэргин итэҕэйбэтим буоллар
Тапталым, кэллиҥ дии, сэгэрим,
Кэллиҥ күлүмнүүр күннээҕэр сырдык,
Им балай түүннээҕэр хараҥа.

Баалар хайа муҥ моһол олох
Суолтатын туора сотоҥҥун
Эн кэллиҥ, эн кэллиҥ,
Дьол дьикти иэйиитин
Сүрэхпэр уматаҥҥын
Эн кэллиҥ, эн кэллиҥ.

Олоруом суоҕа этэ олох да олох да
Эн кэлэргин итэҕэйбэтим буоллар,
Тапталым, кэллиҥ дии, сэгэрим,
Кэллиҥ күлүмнүүр күннээҕэр сырдык,
Им балай түүннэҕэр хараҥа.

Олох курдук олохтон ордук
Муҥутуур дьол дэгэрэҥ долгуна
Дьэргэлгэн сайына эн кэллиҥ,
Дьоллооҕор да олус үрдүк
Үлүскэн үөрүүтэ сүппэттии
Кэрэ күлүм эн өспөттүү.

Уһуга биллибэт умсулҕан күүтүү
Умайар уурабыл уоттаах таптал
Эн кэллиҥ, эн кэллиҥ.

Олоруом суоҕа этэ олох да олох да
Эн кэлэргин итэҕэйбэтим буоллар
Тапталым, кэллиҥ дии, сэгэрим,
Кэллиҥ күлүмнүүр күннээҕэр сырдык,
Им балай түүннэҕэр хараҥа