ДЬҮӨГЭЛЭРИЭМ, КЫРГЫТТАРЫАМ Печать    
Галина Шахурдина тыллара

Дьүөгэлэриэм, кыргыттарыам,
Оҕо сааһым чуорааннара!
Дьүөгэлэриэм, кыргыттарыам,
Эдэр сааһым аргыстара!
Таптал туһунан сүрэх ньүөлүйэ
Кэпсэтэрбит, үөһэ тыынарбыт,
Таптыыр харах көрөрүттэн
Кыбыстарбыт, дьоллонорбут
Ааспыт дии, оо, ааспыт дии.

Дьүөгэлэриэм, кыргыттарыам,
Уһун долгун суһуохтар!
Дьүөгэлэриэм, кыргыттарыам,
Тэбэнэттээх харахтар!
Кими көрсөн, сөбүлэһэн
Ыал буоллугут, кыргыттарыам?
Ханнык сиргэ, хайа ыалга
Кийиит буолан олороҕут?
Оо, дьүөгэлэриэм, оо, кыргыттарыам.

Дьүөгэлэриэм, кыргыттарыам,
Хоһуун сүрэх аналлара!
Дьүөгэлэриэм, кыргыттарыам,
Элбэх оҕо ийэлэрэ!
Иллээх кэргэн, дьоллоох ийэ
Аатын сүгүн өр сылларга,
Кырдьар диэни билинимэҥ,
Дьүөгэлэриэм, кыргыттарыам.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).