ЭППЭККЭ ХААЛБЫППЫН Печать    
Марфа Куличкина тыллара

Эйэҕэс, элэккэй, эдэркээн бэйэҕэр
Элбэҕи этиэхпин эппэккэ хаалбыппын.
Иэйиибин мунньаммын, эйигин билиэ диэн
Уйаҕас сүрэхпэр иҥэрбит эбиппин.

Саныахпар үчүгэй, өйдүөхпэр үөрүүлээх
Ол кэрэ кэмнэри өрүүтүн ахтабын.
Ааттыыбын эн ааккын аргыыйдык сипсийэн,
Аттыбар баар курдук дьоллоно долгуйан.

Ол оҕо саастааҕы иэйиибин харыстаан:
"Үргүтэн көтүтүөм, соҕотох хаалыам", - диэн
Бэл диэтэр билигин биэбэйдии саныыбын,
Устунам уйарҕаан хараастан ылабын.

Үөрүүбүн, санаабын үллэстэ сүүрүөхпүн,
Ырааххын, атыҥҥын миигиттэн букатын,
Мин киммин билбэтэх, тапталбын таайбатах,
Санаабар эрэ баар сирдээҕи аналым.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).