АХТЫЛҔАН Печать    
Иван Федосеев тыллара

Ахта эрэ түстэрбин
Аймаһыйан ылабын,
Үтүө, дьоллоох күннэрбин
Өйдөөн үөһэ тыынабын.

Хос ырыата:

Сибэккилээх сыһыынан
Сиэттиһиэхпит дуо, аны?
Киэһэ барык быыһынан
Куустуһуохпут дуо, аны?

Санаан эрэ кэллэрбин
Саппаҕыра сөҥөбүн.
Эргиллибэт эдэрбин
Эргиллэммин көрдүүбүн.

Хос ырыата.

Ааһан биэрбэт ахтылҕан
Амньырытар сүрэхпин.
Аһын миигин, оо, дьылҕам -
Аҕал биирдэ сэгэрбин!

Хос ырыата:

Чаҕыл уоттаах чараҥҥа
Дьаарбайыахпыт дуо, аны?
Долгураҥҥа, чуумпуга
Чуопчаарыахпыт дуо, аны?


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).