ХОРГУС ДЬОЛ Печать    
Наталья Харлампьева тылллара

Киһи аһыныах сирэйдиин сырдыы
Миигин аара көрсүмэ.
Тугу эрэ уларытыах курдук
Суолбар туора турунума.

Хос ырыата:

Мин суохпун бүгүҥҥүгэ
Эн күндэлэс күннэргэр,
Мин хаалбытым быдан ааспыт
Эн умнубут олоххор.
Онно үйэ-сүктэ халыан уоланы таптыырым,
Кини эрэл санныгар сүүспүн сыһыарарым.

Киһи аһыныах дьоһун бэйэҥ
Кыбыстыбыттыы туттума.
Халыан уолан хараҕынан
Хараҥаттан көрүмэ.

Хос ырыата:

Мин суохпун бүгүҥҥүгэ
Эн күндэлэс күннэргэр.
Мин хаалбытым быдан ааспыт
Эн умнубут олоххор.
Кэлбит суолу батыһан ааспыкка төннөр сыыһа,
Онно күүтэр мунаах дьону хоргус дьол эмтэркэйэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).