АЙЫЛҔАМ ОҔОТО Печать    
Галина Шахурдина тыллара

Хоһооммор хоһуллар,
Ырыабар ылланар.
Биир дьикти бөһүөлэк
Угуйар, ынырар.
Дьонун-сэргэтин
Ыраас көнө майгыта,
Санатта доҕоттор,
Айылҕам оҕотун.

Бураанныын эрийсэр,
Буурҕалыын хатыһар
Булдуттан, пааһыттан
Тутуурдаах эргиллэр.
Кырсаһыт идэтин
Сөбүлүүр, киэн туттар
Юкагир булчута,
Айылҕам оҕото.

Кэлии кыыс, кэрэ кыыс
Чуҥкуйа туттума
Сүрэҕин тэбиитин
Соһуйа истимэ.
Баҕар эн бу манна
Тапталгын көрсүөҕүҥ,
Юкагир ыалыгар
Кийииппит дэтиэҕиҥ.

Баҕарар баҕам диэн
Кэскилгит улааттын,
Сыралаах үлэҕит
Сотуллан хаалбатын.
Саҥа ыал буруота
Сыл ахсын унаардын,
Ыччаккыт элбээтин
Юкагир улааттын!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).