ЭН БИҺИ БИИРГЭБИТ Печать    
Сайа тыллара

Эн биһи бу сиргэ бииргэбит,
Эн биһи бу сиргэ иккиэбит.
Суох миэхэ ааспыт кэм, кэлэр кэм
Эн биһи бу сиргэ иккиэбит.

X о с ы р ы а т а :

Умнуохха барытын, умнуохха
Уостубат уоттары тумнуохха.
Бу дьоро чуумпуну туойуохха,
Бу дьоллоох түгэни уйуохха.

Илэ дуу, бу илэ көрсүһүү
Илэ түүл иһигэр көрсүһүү.
Иһирэх иэйиинэн күөдьүйүү
Сүрэхтэн сүрэҕи дьүһүйүү.

Хос ырыата.

Убаҕас хаар курдук ууллуоҕа
Уйулҕам долгуйбут бу түүнэ.
Ууламмыт хараххар умсуоҕа
Устугас олоҕум биир күнэ...

Хос ырыата.

Тулабар уһуктар туналҕан,
Тохтоо дуу, бу кэрэ чыпчылҕан,
Суох миэхэ ааспыт кэм, кэлэр кэм
Куотума, бу сырдык дьэргэлгэн...

X о с ы р ы а т а .


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).