МИН ЫРЫАМ, ТОЙУГУМ Печать    
Галина Шахурдина тыллара

Эһиги ытыскыт тыаһыгар уйдаран
Мин эмиэ долгуйа сценаҕа тахсабын.
Бар дьонум иһийэн, чуумпуран олорон
Истэҕит мин ыллыыр ырыабын.

Хос ырыата:

Мин ырыам, тойугум, эрэллээх аргыһым,
Эн сирдээ күүс ылар ырыалаах чараҥмар.
Мин ырыам, тойугум бар дьоммун үөрдүөхпүн
Эн тиэрдиий, дойдубар, хаан-уруу дьоннорбор.

Аныыбын эһиэхэ, мин сахам дьонугар
Көрсүһүү түгэнин, бу ырыам киэһээтин.
Тапталы уруйдуур, тапталы хоһуйар,
Хаһан да салгыбат ырыабын.

Xос ырыата.

Айаны тулуйуом, сылаабын аһарыам,
Тиийиэҕим ханна да көһүтэр буолларгыт.
Ырыабын сөбүлээн, истэргит тухары
Мин айыам, мин ыллыам, мин аныам!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).