САҤА ДЬИЭҔЭ Печать    
Е.Андреева тыллара

Саҥа дьиэҕэ малааһын,
Үгэс буолбут бэлиэтээһин,
Аал уоту аһатааһын
Алгыс тылын анааһын.

Хос ырыата:

Саҥа дьиэҕэ кыра киһи
Саҥа күнү көрсүөхтүн.
Саҥа дьиэҕэ саҥа-иҥэ
Саймаарыйа туруохтун.

Саҥа дьиэҕэ сылдьар ыалдьыт
Үөрүү-көтүү үктэллэннин.
Киирэр тахсар ыалыҥ киһи
Кэрэ кэпсээн кэһиилэннин.

Хос ырыата:

Саҥа дьиэҕэ дьаҥ-дьаһах
Дьаарбайбатын хаһан да.
Эйэлээх олох, көр-күлүү
Дьоллоох уйатын тутуннун.

Бүтүүтүгэр:
Саҥа дьиэҕэ саҥа олох
Ситим буолан тардыстын
Саҥа дьиэ чаҕыл уота
Ыраахтан сырдыы турдун!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).