ТАПТАЛБЫТ КҮҺҮНЭ Печать    
Галина Шахурдина тыллара

Өр да буоллуҥ эн ыраах айаҥҥар
Күн-дьыл ааһара бытаанын, наҕылын.
Дууһабын санньыар курус айылҕа
Ытатар ардаҕын уутунан.

Хос ырыата:

Ахтыбата буолуо дии саныыр бэйэҥ дуу,
Суохтаабата буолуо дии саныыр бэйэҥ дуу, ама дуу,
Кэтэспэтэ буолуо дии саныыр бэйэҥ дуу,
Ахтыбата буолуо дии саныыр бэйэҥ дуу.

Эн биһиги көрсүспүт күһүммүт
Түннүгүнэн тоҥсуйар, ыҥырар.
Ыҥырар, эрэнэ кэтэһэр
Көмүс чараҥын бэлэх уунаары.

Хос ырыата:

Кэтэспит дии, биһигини чараҥмыт,
Суохтаабыт дии, биһигини хатыҥмыт, о,
Истэҕин дуо, ыҥырар дии, доҕоруом,
Кэтэспит дии, биһигини чараҥмыт.

Өр да буоллуҥ эн ыраах айаҥҥар
Кэтэһэр чаастарбын өссө уһата...
Истиий, дуу, илдьиппин сэбирдэх
Айманар сиккиэриҥ суугунугар...

Хос ырыата:

Күүтэрбин билэриҥ буоллар дуу, доҕоруом,
Суохтуурбун өйдүүрүҥ буоллар дуу, сэгэриэм,
Ахтарбын истэриҥ буоллар дуу, тапталым!
Эн кэлиэҥ этэ эрэнэбин,
Тиэтэйиэҥ этэ эрэнэбин, тапталым!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".