ЭЙИЭХЭ ТИИЙЭЭРИ... Печать    
Василий Петров тыллара

Суох, ити соҕотох туруйа
Хаһыырбыт халлааҥҥа соҥуйа.
Ити мин эрэйдээх сүрэҕим
Кыланар, ыҥырар эйигин,
Эргийбэт мин маҥнайгы тапталым!

Суох ити аар-хатыҥ чараҥҥа
Араҥас манньыатын тамнаабат.
Ити мин мунчаарар санаакам
Ахтылҕан тылларын тамнааттыыр,
Эйиэхэ мин маҥнайгы тапталым.

Суох ити курас тыал куулаҕа
Уһун түүн уйгуурда улуйбат,
Ити мин уоскуйбат дууһакам
Эйиэхэ тиийээри утуйбат,
Умнубат мин маҥнайгы тапталым.

Көй көмүс күһүҥҥү айылҕа
Дууһаҕар кутуллан киирдэҕэ,
Ити мин иэйиикэм, ырыакам
Эйиэхэ доҕоруом тиийдэҕэ,
Сирдээҕи мин соҕотох тапталым!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).