ҮРҮҤ ТҮҮН ҮҤКҮҮТЭ Печать    
К.Уткин -Нүһүлгэн тыллара

Үрүҥ түүн көҕүтэн
Үҥкүүгэ ынырда.
Уйан саас угуйан
Ойуолуур оҥордо.

Хос ырыата:

Үрүҥ түүн, үрүҥ түүн
Үөһээттэн үргүттүҥ.
Чэй, эрэ доҕоччуок
Тэлээрэ эргийиэх!
Эһиэ-эһиэ эһиэкэй,
Оһуо-оһуо оһуокай!

Тырымнас тыыҥҥынан
Илгийэн иһэҕин,
Көбүөхтэс күөҥҥүнэн
Күн уотун кутаҕын.

Хос ырыата.

Уйулҕам уйгууран
Хомуспун таарыйда,
Уон араас ырыанан
Кэҕэлии этиттэ.

Хос ырыата.

Күлүмнэс хараххар
Суунуохпун баҕардым,
Алыптаах аттыгар
Хаалыахпын санаатым.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).