ЧАРАҤ УСТУН Печать    
Сайа тыллара

Чараҥ устун көмүс күһүн
Дьаарбайарга дылы этэ.
Чараас иэйии дайар тыына
Дьайҕарарга дылы этэ.
Таптал сырдык чаҕыл кыыма
Тарҕанарга дылы этэ.

Чараҥ устун аргыый-аргыый
Сэргэстэһэ хаамсар этэ
Эдэр уолан, эмньик кулун
Эрэннэрэ кэпсиир этэ.
Ыра санаа ыллык буолан
Чараҥ устун сиэтэр этэ.

Сиккиэр тыаллыын симик дьолум
Ситтэрбэккэ куотар этэ.
Чараҥ устун көмүс күһүн
Дьаарбайарга дылы этэ...
Таптал сырдык чаҕыл кыыма
Тарҕанарга дылы этэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).