АҔАБАР Печать    
И. Кузьмин тыллара, Василий Шадрин мелодията

Сырыттым төрөөбүт алааһым
Кырдьаҕас сэргэтин көрөөрү,
Ырааппыт оонньуулаах саастарым
Иһийбит чуораанын өйдөөрү.

Аҕаккам оттубут аал уотун
Суоһугар долгуйа иттээри,
Миэхэҕэ тосхойбут күн дьолун
Сүрэхпэр иҥэрэн илдьээри.

Өйдүүбүн аан бастаан сис тыаттан
Куртуйах кэһиилээх киирбиппин.
Ол онтон үөрэҥҥин киэн туттан
Сылаастык эн иэйэ көрбүккүн.

Ол бэйэм билигин улаатан
Туспа ыал аҕата мин буоллум.
Торҕо күөх буруону унаардан
Дьиктилээх иэйиинэн мин туоллум.

Бу дьолу, бу күөҕү эһиги
Аҕалар аан бастаан айаҕыт.
Эндирдээх суоллары биһиги
Эркээйи оҥостон тыырабыт.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).