СҮТҮК Печать    

Иван Федосеев тыллара

Күн-дьыл олугар үктүү-үктүүбүн
Мин улам мунчаарар буолан бардым,
Мин мэлдьи тугу эрэ сүтүктүүбүн,
Мин туох эрэ кэрэни куоттардым.

Хос ырыата:

Кини ханна эрэ тулабар адьас баар,
Кини ханна эрэ ыксабар чугас баар,
Оччоҕо дьэ тоҕо тиийэн кэлбэт?
Ытыһым үрдүгэр түһэн биэрбэт?
Сүрэҕим имигэр өтөн киирбэт?

Мин билигин көрдүм кыыстаах уолу
Түннүгүм аннынан аастылар,
Баҕарабын – диэтим дьоллоох суолу –
Инники олоххут аартыгар.

Хос ырыата.

Эмискэ сүрэҕим күүскэ тэптэ:
«Ити эн сүтүгүҥ ааста», - диэтэ.
Эдэр саас эбит дии – мин сүтүгүм.
Эргиллибэт. Сабылын, түннүгүм.

Хос ырыата. 



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).