ТААЙЫҤ ЭРЭ, КЫРГЫТТАР Печать    
П. Кобяков тыллара

Туохтан маннык көрдөөх Уоһук
Уларыйа охсубутун,
Үүтүн тохпут оҕо курдук
Кэри-куру буолбутун
Таайыҥ эрэ, кыталыктар,
Талыы-кэрэ кыргыттар.

Ыалдьар диэҕи, аньыы, оннук
Ыспараапка ыла илик.
Кэнникинэн өссө ордук
Көтөхтөрдө биллэрдик.
Дьикти диэҥҥит дьиибэргээмэҥ,
Тэбэнэттик күлсүмэҥ.

Тоҕо таптал диэни истээт,
Имэ кыыһан кытарарый,
Эһигини көрө түһээт,
Үөһэ өрө тыынарый?
Таптал, таптал талбаарытта —
Тоҥуй сүрэх долгуйда.

Табаарыстар көмөлөһүҥ,
"Ыарыытыттан" өрүһүйүҥ:
Таарыттарбыт таайыах тустаах —
Уоһук дьолун булуохтаах.
Сыбаат киһи сыҕарымҥа
Сыбаайбаҕа сылдьыаҕа.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).