САХАМ АТА Печать    

Виталий Власов тыллара

Тоҥмот-хаммат сахам ата
Тоҥуу хаартан үктэл тэбэр,
Тымныы айан иитин көрсөн
Оноҕостуу субуруйар.

Табыгырас хомус туйах
Дууһам кутун ыга тутар,
Сахам сирин кыһыҥҥыта
Иэдэстэрбин иһэлитэр.

Хос ырыата:

Кылбаҥнатан сиэлэр,
Айаннатан сүүрэр, атым —
һат! һат!
Сындыыстанан сырсар,
Сирилэтэн ситэр, сылгым —
Һат! һат!

Кэтит, дьоҕус сахам ата
Сүрэх-бэлэс мааны дэтэр,
Алаас ахсын кымньыылыырбар
Эбэн биэрэр, бырдааттанар.

Тыбыырара, айааһыыра
Силлиэ тыаллыын алтыһаллар,
Долгуһутар дьикти түгэн
Миэхэ эрэ хатыланар.

Хос ырыата:

Дьоруолатан ойор,
Долгуһутан көтөр, атым —
һат! һат!
Дьигиһитэн дайар,
Бурҕаҥнатан куотар, сылгым —
Һат! һат!




 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".