КӨҤҮЛЛЭЭ Печать    

Виталий Власов тыллара

Көҥүллээ, утары көрүөхпүн,
Килбиктик мичээрдии үөрүөхпүн,
Сэрэнэн кууһаммын туруохпун,
Сып-сылаас уоскуттан ууруохпун.

Хос ырыата:

Көҥүллээ, эйиэхэ тиийиэхпин
Күн сирин кэрэтэ эн бааргын.
Нарыннык эйигин ааттыыбын,
Эн мин олохпун киэргэттиҥ.

Көҥүллээ, утары көрүөхпүн,
Күндүтүк саныырбын этиэхпин,
Сөбүлээн «күнүм» диэн ааттыахпын,
Соҕотох эйигин таптыахпьгн.

Хос ырыата.

Көҥүллээ, утары көрүөхпүн,
Күннээҕи түбүккүн өйдүөхпүн,
Кыттыһан биир дьолу булуохпун,
«Кэргэним» диир киһиҥ буолуохпун.

Хос ырыата.



 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).