КОММУНИСТ ТУҺУНАН ЫРЫА

Е. Лаптев тыллара

Биир киэһэ сааскы күн саҕахха киириитэ,
Бу хоту Халыма сиригэр буолбута,
Хаанымсах бандьыыттар, быстахха бүрүүкээн,
Хаарыаннаах дьон бэрдин өлөртөөн баартара.

Үүрүллэн иһэллэр батталлаах хара дьай
Үйэтин самнарса охсуспут буойуттар,
Лениммит кырдьыктаах уөрэҕин аан маҥнай
Халыма сиригэр тарҕаппыт хоһууттар.

Коммунист хоодуотун сүүрбэ биир саастааҕар
Киниэхэ кыыллыйа өстөммүт бандьыыттар
Тоҕуста тобулу ытаннар умайар
Төлөннөөх сүрэҕин тэбиитин быспыттар.

Ол герой коммунист охтуоҕар диэритин
Советскай былааһы уруйдуу турбута,
Аан дойду үрдүнэн коммунизм кыайыытын
Айхаллыы илиитин үрдүктүк ууммута.