ДЬҮРҮҺҮЙДҮН ХОМУҺҮҤ

Саас кэлбит хоту симэҕин
Тарыырдыы күн диэки көрдүн
Маҥан кубалыы сиэттиһэн
Айан суһумун ыллаттын

Дьүрүһүйдүн хомуһуҥ.
Дьүрүһүйдүн хомуһуҥ.

Дууһам чуумпурар кэмигэр
Эн ууммут нарын илиигин
Чэрдээх ытыспар даҕайан
Эрэл санааны үөскэтиэн

Дьүрүһүйдүн хомуһуҥ.
Дьүрүһүйдүн хомуһуҥ.

Силлиэни ардаҕы утары
Истиэҕим кини дорҕоонун
Өрүү эдэр, өрүү тыыннаах
Ньургуһун сибэкки тылыннын.

Дьүрүһүйдүн хомуһуҥ.
Дьүрүһүйдүн хомуһуҥ.