ВАЛЕРИЙ НОЕВ КЭРИЭҺИГЭР Печать    
Н.Максимов тыллара

"Быраһаай, күөх сайын," - диэбиккэр,
Мин онно кыаммакка ытаатым.
Эйигин көрбөккө хаалбыппын
Хомойон хоргута санаатым.

Хос ырыата:

Дьэҥкир таас Аммабыт уутунуу
Дьурулуур куолаһыҥ туойуоҕа.
Мэлдьитин иэйиилэх ырыаккаҥ
Дууһаны долгута туруоҕа.

Эрэйи дьиҥнээхтик билбэтэх
Бу маннык хоһуйбат буолуохтаах.
Олоххор эрэйдээх буолаҥҥын
Олустук долгуйан туойаҕын.

Хос ырыата.

Тоҕо бу үгүстүк манныгый?
Тапталлаах Төрөөбүт дойдубут!
Талааннаах ыччаккын тиэтэтэн
Тоҥ буорга саһыарар буолаҕын.

Хос ырыата.

Соҕотох туруйа буолаҥҥын
Алааскын эргийэ эн көтөөр.
Үөһэттэн дьурулуур куоласкын
Ыллатан бэйэҕин санатаар.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).