КЭРЭ СААС Печать    
Н.Попов-Быралгы тыллара

Сыл хонук көстүбэт ситимэ
Солбуһан ааһара биир кэмник.
Эмискэ эйигин көрсөммүн
Эргийдэ тулабар сандал саас.

Бу сааскы айылҕа кэрэтин
Бу чэбдик уһуктуу дьиктитин.
Эн миэхэ, эн миэхэ эргиттиҥ,
Эргиттиҥ кэрэ саас кистэлин.

Эйэҕэс хараххар тыллыбыт
Эймэнэр тырымнас иэйиилэр.
Көй туллук үөрүгэр холбоһон
Көр, үөрүү буоланнар көтөллөр.

Сэгэриэм, эйигин көрсөммүн
Сааскы күн дьоллоно үөрэбин.
Эриэккэс кэрэ саас мичээрэн,
Эн эмиэ оҕолуу күлэҕин.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).