МИН ТААЙА БАРБАППЫН Печать    
Иннокентий Артамонов тыллара

Ким эрэ, ким эрэ
Тапталым буолаҕын,
Эйиигин сэрэйэ,
Мин таайа барбаппын.

Эн миэхэ кэлиэҕиҥ
Эдэр күөх сааскыныын,
Нарыннык этиэҕиҥ:
«Төлөннөөх тапталым!»

Ол онно утары
Хоолдьукпун хоҥкутуом,
Сэһэни салҕаары,
Аттыбар олордуом.

Саҥаттан матаммыт,
Талбааран ылыахпыт,
Сылаастык, нарыннык
Ылсыһыа тарбахпыт.

Оччоҕо эн туран
Саҥарыаҥ сүрэхтэн,
Күһүҥҥү ый тахсан
Кэтэһиэ түннүктэн.

Билигин билбэппин
Эн ханна сылдьаргын,
Эн миэхэ кэлиэҕиҥ
Эдэр күөх сааскыныын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).