ҮӨҺЭЭ ХАЙАҔА Печать    
Виталий Власов тыллара, Николай Сибиряков мелодията

Эллэй Хаан, Хайаҕа ыттыахха,
Онно ким хайдаҕа биллиэҕэ,
Дабайан, үрдүккэ кыттыахха —
Тулуйбут иккистээн тиллиэҕэ...

Биир быанан очуоска тахсарга
Эн кимҥин дириҥник өйдүөҕүм,
Дьиҥ доҕор эрэлин аахсарга
Куттаммат түгэҥҥэр өйдүөҕүм.

Көтүү тойуга:

Аан дойду кэрэтин көрөөрү,
Очуос таас Хайаҕа туруохха!
Ааспыкка-кэлэргэ көтөөрү,
Олоҥхо тойугун туойуохха!

Халлааны хайытар Хайаҕа
Күн-көҥүл олоҕу көрүөхпүт,
Айар дьол төрүөхтээх уйаҕа
Ып-ыраас салгынтан үөрүөхпүт.

Кыайыахпыт эбэтэр охтуохпут —
Иккиттэн биирдэрэ буолуоҕа,
Ыар кэмҥэ тыын ылан тохтуохпут
Кынаттаах ырабыт туолуоҕа!

Көтүү тойуга:

Аан дойду кэрэтин көрөөрү,
Очуос таас Хайаҕа туруохха!
Ааспыкка-кэлэргэ көтөөрү,
Олоҥхо тойугун туойуохха!

1995 с.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).