ОҔО СААС Печать    
Николай Сибиряков тыллара

Сибэккилээх сыһыыларга, кырдалларга
Сүүрэр-көтөр оҕо сааһым ааспыта.
Ол онтон мин аҕаллым
Күндү, көмүс күннэрбин.
Кэрии тыаҕа кэҕэ этэн чоргуйара,
Куула тыаҕа ымыы чыычаах ыллыыра,
Күн кустугун тутаары
Күөх хонууга көрдүүрүм.

Хос ырыата:

Ханна да буолларбын,
Хаһан да буолларбын,
Өйдүүбүн
Оҕо сааһым көмүс күннэрин,
Сибэккилээх хонууларын.

Ыраас ууга ыһыахтана сөтүөлүүрүм,
Күнү көрсө үрүҥ түүҥҥэ тахсарым.
Түптэ сыта, буруота
Тунаарара алааспар.
Сааһын аайы харалдьыкка ньургуһунум
Үүнэн тахсар кэрэтин кэтэһэрим,
Оҕо саастан аҕаллым
Ийэм илиитин сылааһын.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).