СААСКЫ ЫРЫА Печать    
Виктор Дьяконов тыллара

Кыһыҥҥы тымныыбыт кыйданан
Күн уһаан, халлааммыт сылыйда,
Хаар үрдэ сахсайан харааран
Бастакы харалдьык таҕыста.
Күүтүүлээх маҥнайгы ньургуһун
Хорсуннук тоҥ кырсы тобулан,
Сылыйбыт, сымнаабыт сир ньуурун
Киэргэттэ араҥас өҥүнэн.

Хос ырыата:

Таптыыбын айылҕам сааскытын
Чурапчым чараҥар көрсөрбүн,
Күн тахсар бастакы сарыалын
Айхаллаан ырыанан туойарбын.

Кыыдааннаах кыһынтан уһуктан
Айылҕа суһуоҕун тараанна,
Сайыны көрсөөрү оҥостон
Күөллэргэ күлүгүн көрүннэ.
Кырдалга күөрэгэй ыллаата
Сааскы күн тахсарын уруйдаан,
Ол онно кэҕэбит чоргуйда
Ырыаны-тойугу ситэрэн.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).