САЙЫҤҤЫ АРДАХ Печать    
Наталья Михалева – Сайа тыллара

Сайыҥҥы ардаҕы быыһынан,
Саймаарар сырдыгы аннынан
Мин ааным аттыгар кэлиэҕиҥ,
Күүтэрбэр саарааҥҥын туруоҕуҥ.
Саҥата суох ааммын аһыаҕым,
Саҥата суох утары көрүөҕүм,
Сүрэҕим битийэр үөрүүтүн
Кистээммин мин өрө тыыныаҕым...

Сайыҥҥы ичигэс ардах быыс
Сардаҥа сабыытын түһэриэ,
Аан дойду хараҕын далыттан
Ахтылҕан үөрүүтүн саһыарыа.
Саҥата суох ыга куустуһан
Саймаардар долгуҥҥа устуохпут,
Санааҕа бу сиртэн ыраатан
Күөх дуолга иккиэйэх көтүөхпүт...

Эйигин атаара тахсарбар
Сайыҥҥы кустугум мичээриэ,
Ахтылҕан аргыстаах бараргар
Сайыспыт хараҕым ууланыа...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).