КҮӨХ ЧЭЧИР Печать    
Наталья Михалева-Сайа тыллара

Чэбдик күөх өҥнөрдөөх
Чэпчэки сэбирдэх
Чэ, биһи даҕаны
Күннэрдээх этибит!

Хараҕы манньытар,
Тапталы угуйар
Дьылыгыр бэйэлээх
Көрүҥнээх этибит.

Дьэрэкээн бытырыыс
Дьэргэлгэн салама
Салгыҥҥа тэлээрэр
Санаалаах этибит.

Орто сир олоҕор
Оонньууга кэлбиттии,
Оо, кэнэн даҕаны
Ыралаах этибит...

Түһүлгэ киэргэлэ
Күөх чэчир кэриэтэ
Эдэр саас кэрэтэ
Кэхтэрэ түргэнэ...

Хара тыам киил маһып
Ханыыта билигин
Хатырык иһигэр
Харааста турабын.

Халлааннаах таҥарам
Хамсаабат ыйааҕар
Хайдаҕын да иһин
Хардара турабын:

Бүгүҥҥү түһүлгэ
Бу чэбдик киэргэлэ
Күөх чэчир кэриэтэ
Күн сарсын хаппатын.

Орто сир үрдүгэр,
Олох киэҥ дуолугар
Эдэр саас чэлгийэр
Мичээрэ уһаатын...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).