КҮҺҮҤҤҮ ДОЛГУРАҤ Печать    
Наталья Михалева – Сайа тыллара

Сир тиһэх мичээрин иҥэрэн
Саһарбыт сэбирдэх тоҕунна,
От үрэх ууларын оһуордаан
Курустук уйдара уһунна.

Тыаһа суох бу мааны ардахтан,
Дууһаны угуйар чуумпуттан
Тылынна күһүҥҥү долгураҥ,
Ураты уйаҕас дьүрүскэн...
Тылынна күһүҥҥү долгураҥ,
Ураты уйаҕас дьүрүскэн…

Хос ырыата:

Бу кэрэ түгэни илдьээри,
Букатын куоттара сүтээри
От үрэх оһуордаах сүүрүгэ
Ыксаама дуу бүгүн, ыксаама...

Ол дьикти долгуҥҥа бигэтэн
Оҕочоос сүрэҕим сырдаата,
Саһархай, саһархай алыпка
Мин санаам ардаҕа умуста...
Тылынна күһүҥҥү долгураҥ,
Ураты уйаҕас дьүрүскэн…

Хос ырыата:

Бу кэрэ түгэни илдьээри,
Букатын куоттара сүтээри
От үрэх оһуордаах сүүрүгэ
Ыксаама дуу бүгүн, ыксаама...
Бу кэрэ түгэни илдьээри,
Букатын куоттара сүтээри
От үрэх оһуордаах сүүрүгэ
Ыксаама дуу бүгүн, ыксаама...
Ыксаама дуу бүгүн, ыксаама...
Ыксаама дуу бүгүн, ыксаама...


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).