КЫНАТТААБЫТ КЫҺАБЫТ Печать    
В. Семенов тыллара

Олоххо олугу уураҥҥын,
Олус да элбэҕи оҥордуҥ.
Очуос таас хайаны дабата,
Оскуолам, киэҥ суолу туттардыҥ.

Xос ырыата:

Оскуолам барахсан эйигин
Олус да күндүтүк саныыбын.

Эдэр саас эгэлгэ иэйиитэ
Истиэнэҥ иһигэр ааспыта.
Кынаттаах кэриэтэ дайытан,
Кылаастаан кылааока таһаарта.

Xос ырыата.

Ураннаан уһанар уус курдук,
Ураты үлэлээх учуутал.
Сөҕөбүн сүрэҕиҥ сылааһа
Сүүһунэн ыччакка сөҥөрүн.

Хос ырыата.

Бүгүҥҥү Бүлүүбүт ыччатын
Бүттүүнүн сүрэҕэр сылдьыаҕыҥ.
Үрдүктэн үрдүккэ, кэрэҕэ
Өрүүтүн угуйа туруоҕуҥ.

Xос ырыата.

Өйдөөҕү, үтүөнү үүннэрэр
Өрөгөй үктэллээх үгэһиҥ
Үйэлэр тухары мэлдьитин
Төннөрү, кэхтэри билбэтин!

Xос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).