КОМАНДИР ТУҺУНАН ЫРЫА

Леонид Попов тыллара

Хаан өстөөх, ыһыллан,
Куоппутун сойуолаан,
Иһэллэр кыһыллар,
Үрэҕи уҥуордаан.

Кыһыллар иһэллэр
Кыыдаапнаах тыаллаахха.
Уот оттон иттэллэр
Халыҥ сис тыаларга.

Биир тиһэх сэриигэ
Бааһырбыт командир
Инники сирдиирэ:
«Эрэттэр, хаамыҥ!» — диэн.

Түөрт саха буойуннар,
Ол нуучча киһини
Өйөөннөр, кууһаннар,
Иһэллэр ннники.

Бэрт ыраах баар дойду—
Киэҥ Волга баатыра,
Хомпоруун хотойдуу,
Хорсуннук туттара.

Кыайыыга эрэли
Ырыабыт кэпсиирэ.
Дьоннорун инники
Командир сирдиирэ.