САНЫЫБЫН ТӨРӨӨБҮТ АЛААСПЫН Печать    
Леонид Попов тыллара

Саныыбын төрөөбүт алааспын,
Онно саас сандааран эрдэҕэ,
Күн көмүс толбоно сылаастык
Түннүккэ дьиримнээн түстэҕэ.

Тиэргэҥҥэ хара түү мээчиктээх,
Онно мин сааскыны көрсөрүм.
Киэһээҥҥи чуумпуга кэрэхсээн,
Үрүйэ ырыатын истэрим.

Аҕынным даҕаны тыа сытын,
Айылҕа уһуктар силигин,
Ырааҕыан төрөөбүт алааһым,
Ол онно тиийдэрбин билигин.

Биһигим ыйаммыт сиригэр
Баҕардым бурдугу ыһыахпын, -
Тыраахтар көлөнөн билигин
Ол буору тэллэрэн барыахпын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).