БҮЛҮҮ МУОРАТА Печать    
Степан Дадаскинов тыллара, Трофим Семенов мелодията

Туруйа кыланар, үҥкүүлүүр
Тумара толоонноох тайҕаҕа
Күн уота умайар, сөтүөлүүр
Күндэлэс муората үөскээтө.

Xос ырыата:

Долгуйда
Дохсуннук будуллан
Алмаастаах Бүлүүбүт муората,
Аар-тайҕа киэлитин сырдата!

Модуннук эҥсиллэр уораанын
Муус байҕал иһийэн иһиттэ,
Харылыы ытыллар дьалхаанын
Харахтаах барыта хайҕаата.

Xос ырыата.

Хотуулаах үлэбит кыайыытын,
Хоту сир бүгүҥҥү хардыытын
Долгунун куугуна кэнэҕэс,
Доҕоттоор, ырыанан кэпсиэҕэ.

Xос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).