ТАММАХ Печать    
Павел Семенов тыллара

Сиппэрэҥ күһүҥҥү ардах
Тохтоло суох ибиирэр,
Төбөбөр кинилиин саарбах
Санаалар элэҥнииллэр.
Мин түннүкпэр түспүт таммах
Харах уутун санатыма,
Кыыһыаҕа мырааҥҥа саҕах
Көтүөҕүҥ эн салгыҥҥа.

Хос ырыата:

Ахтылҕаным эн барыма,
Таммахтыын хаалларыма,
Арахсыахпын баҕарбаппын.
Былаҕайга быраҕыма,
Сиик буолан көтө сылдьыаҕым,
Ууга суураллан сүтүөҕүм,
Ардахтыын атаарыма!

Күн көрүө түннүкпүн барбах
Күүстээх ардах кэнниттэн,
Күлүөҕэ сылайбыт таммах
Сүппэтэх үөрүүтүттэн,
Мин түннүкпэр түспүт таммах
Хомолтону аҕалыма,
Силбик күннэр ааһыахтара,
Төннүөҕүҥ эн былыкка!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).