МИЭХЭ ЭН МЭЛДЬИТИН Печать    
А. Тарасов тыллара

Миэхэ эн мэлдьитин
Минньигэс мичээргин
Аныырыҥ буоллар мин
Абылыыр бэйэҕин
Алыптаах ырыабар
Анааммын туойдарбын
Аастыйа кырдьыыбар
Астыныах эбиппин.

Хос ырыата:

Билэбин эн миэхэ мэлдьи чугаскын,
Билэбин эн миэхэ мэлдьи ырааххын,
Билбэппин эн миигин хайдах саныыргын,
Билбэппин эн кими сэмээр ахтаргын.

Миэхэ эн мэлдьитин
Мааны бэрт майгыгын
Ситэри биллэрэн,
Сэлэһэр буолларгын
Сүрэҕим тылларын
Сааһылаан этэрбэр
Сүрдээҕин таптыырбын
Сипсийиэх эбиппин.

Миигин эн мэлдьитин
Хап-хара хараҕыҥ
Дьолунан толорон
Долгута көрдөргүн,
Бу сиргэ олорон, билтим дьол үрдүгүн
Диэн этэн дууһабын
Уоскутуох эбиппин.

Хос ырыата


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).