ИЙЭБЭР Печать    
Павел Семенов тыллара

Тугу этиэм этэй эһиэхэ мин,
Ырыам тыла олус да сымсаата,
Тулабар кыыдамныыр хаар кыырпаҕын
Ытыһым үрдүгэр уулларабын.
Күн күбэй ийэбэр анааммын
Арай тиэрдиэм мин үрдүк махталбын:
Оҕо сааспын санаан улааппыппар,
Бар дьонум алгыһын ылыммыппар.

Хос ырыата:

Махтанабын, махтанабын
Эйиэхэ — күн күбэй ийэбэр,
Махтанабын, махтанабын
Эһиэхэ — бар дьоммор!

Хайыаҥ этэй алҕаһаабыт күммүн —
Өр сурук суруйбатах буруйбун,
Түүн-күнүс утуйбатах күннэргин
Кэмсинэҥҥин кэлин кэпсээбэккин.
Күн күбэй ийэбэр анааммын
Арай этиэм мин күүстээх тапталбын:
Үөрүү-хомолто диэни билбиппэр,
Олох күндүтүн эн көрдөрбүккэр.

Хос ырыата


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).