АБЫЛААМА! Печать    
Павел Семенов тыллара

Доҕоруом, эн тоҕо миигин
Абылыыр курдук туттаҕын,
Эн этиий, эн этиий!
Сирэйгин тоҕо кистиигин,
Тэтэркэй имнэргин миэхэ
Көрдөрүүй, көрдөрүүй!

Хос ырыата:

Тапталбын эйиэхэ этиэм,
Ырыабын ыллыам.
Күөрэгэй чыычаахпар холооммун,
Күн тыгар сардаҥатын мин
Сабардаан ылыам,
Бэлэхтиэм эйиэхэ доҕоруом!

Оо, эрэлбин сүтэримэ,
Эн сыыска-буорга тэпсимэ,
Өйдөөрүүй, өйдөөрүүй,
Эйигин эрэ мин буллум
Атыттартан ордороммун
Өйөөрүүй, өйөөрүүй!

Хос ырыата.

Аналым, баҕар, эн буолуоҥ
Таайтараммын ыйытабын.
Эппиэттээ, эппиэттээ,
Саарбахтыыр мунаарар күммүн,
Инники кэлэр кэскилбин
Эн түстээ, эн түстээ!

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).