ЭН ЭРЭ Печать    
Павел Семенов тыллара

Эн эрэ билэҕин эйигин таптыырбын,
Соҕотох буолаҥҥын сүрэхпэр киирбитиҥ,
Өйбүттэн тахсыбат эн эрэ, эн этиҥ,
Сүрэҕим тэбэрин күүһүрдэн биэрбитиҥ.

Хос ырыата:

Таптыыбын эйигин,
Күммэр-ыйбар холооммун,
Эйиэхэ тиийиэҕим
Биир күннээх сарсыарда
Эйигин булуоҕум,
Ханна да буол булуоҕум,
Сүтэрбэт аналым — эн эрэ!

Доҕоруом, эн тоҕо абылаан кэбистиҥ,
Эн суоҕуҥ олус да дууһабын эрэйдиир,
Ырааххын миигиттэн,
Эн кэлэр кыаҕыҥ суох,
Оччоҕо мин бэйэм
Сотору тиийиэҕим.

Хос ырыата.

Мин кэллим эйиэхэ,
Тапталлаах доҕоруом,
Кэтэстим даҕаны
Бу кэрэ түгэни,
Сүрэҕим тэбэрэ күүһүрдэ, күүһүрдэ,
Дьоллоох күн биһиэхэ
Бүгүн эрэ үүннэ!

Хос ырыата:

Таптыыбын эйигин,
Күммэр-ыйбар холооммун,
Эйиэхэ мин кэллим
Биир күннээх сарсыарда,
Эйигин мин буллум,
Дьэ, баҕабын толордум,
Сүтэрбэт аналым — эн эрэ?!


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).