ХААР ТҮҺЭР Печать    
Павел Семенов тыллара

Хаар түhэр, хаhыс да күнүн хаар түhэр,
Халлааным миэнэ эмиэ бүрүллэр.
Санаабар, саппаҕырбыт мин санаабар
Санньыардык, санньыардык көстөн ааhаҕын.

Хос ырыата:

Ахтыбыппын, ахтыбыппын мин аахпаппын,
Суохтаабыппын, суохтаабыппын сураспаппын,
Кэлэйбиппин, кэлэйбиппин кэпсээбэппин,
Кэтэспиппин, кэтэспиппин кэмсиммэппин.

Түлүк түүл, түлүк түүлбэр эн киирэҕин,
Күлэҕин, мин үөрүүбүн үллэстэҕин.
Уhуктуохпун, уhуктуохпун баҕарбаппын,
Сүтэҕин, тумаҥҥа киирэн сүтэҕин.

Хос ырыата:

Күүппэппин, өчөс майгыбар күүппэппин,
Эрэммэппин, төннүөҕэ диэн, эрэммэппин.
Итэҕэйбэппин, баҕар истиэҥ, итэҕэйбэппин,
Саарбахтыыбын, эйиэхэҕэ саарбахтыыбын.

Сүтэрдэҕиэм, түлүк түүлтэн сүтэрдэҕиэм,
Тэҥниэҕим, илэ олохпор тэҥниэҕим.
Бардаҕыаҥ, бэйэҥ суолгунан бардаҕыаҥ,
Төннүбэттии, эн букатын төннүбэттии...

Хос ырыата:

Эккирэтэн, эккирэтэн мин сиппэппин,
Ыҥырабын, ыҥырбыппар эргийбэккин.
Ыллыыбын, ыллаабыппар ылласпаккын,
Хаhыытыбын, хаhыытыырбар хайыспаккын.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и для сетей ADSL и "Столица".