ТААЙБЫТ КУРДУК Печать    
Павел Семенов тыллара

Сааскы халлаан сатыылаабыт,
Санньыар санаам саймаарыйбыт,
Салгын сыта тупсаахтаабыт,
Күнүм уота күлүмнээбит.

Хос ырыата:

Мин санаабын таайбыт курдук
Сыккыс уута сүүрдүбүт,
Мин үөрүүбүн билбит курдук
Эбэм мууhа хоҥнубут.

Күөх хонууга сибэккибит
Нуоҕайаахтаан тахсыбыт,
Илин тыаҕа хатыҥ маспыт
Илибирии мөхсүбүт.

Хос ырыата:

Мин санаабын таайбыт курдук
Күөрэгэйбит көрүлүүр,
Мин үөрүүбүн билбит курдук
Сиккиэр тыалым мэниктиир.

Түптэ унаар буруота
Былыттарга таласпыт,
Саҥа көппүт сиик уута
Күөл үрдүгэр ыйаммыт.

Хос ырыата:

Мин санаабын таайбыт курдук
Ымыы чыычаах ылласпыт,
Мин үөрүүбүн билбит курдук
Кэҕэ этэн чоргуйбут.

Баҕа хоту барыта
Сайыммыт дьэ эргийбит,
Ырыа курдук барыта
Куппун-сүрбүн көтөхпүт.

Хос ырыата:

Мин санаабын таайбыт курдук
Күөрэгэйбит көрүлүүр,
Мин үөрүүбүн билбит курдук
Сиккиэр тыалым мэниктиир.

Мин санаабын таайбыт курдук
Ымыы чыычаах ылласпыт,
Мин үөрүүбүн билбит курдук
Кэҕэ этэн чоргуйбут.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).