СЭРГЭ Печать    
Аарыма сэргэ, тураҕын
Алааспар тыылыы тэбинэн,
Соҕотох буолуу санааҕын
Ыйдаҥа киэһэҕэ уйгуурдар.

Ахсым ат эйиэхэ баайыллан
Сыыдам туйаҕынан табыйбат.
Кийиит кыыс күөх окко дугунан
Күөгэйэ-нусхайа хаампат.

Ааспыт кэм уорааннаах бэлиэтэ
Арай эн мөссүөннэр көстөр.
Бу олох астыйбыт эйгэтэ
Ол дьылы эмиэ өйдөтөр.

Оччоҕо сыбаайба ньиргийиэ,
Оһуохай тыла дьиэрэйиэ,
Оонньуу, көр-нар бөҕөтө тэнийиэ,
Бу сэргэ тула түмсэрэ.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).