КҮН КҮБЭЙ ИЙЭМ БАРАХСАН Печать    
Быралгы Ньукулай тыллара

Үрүҥ түү былааккын сэгэтэн,
Үөрүүлээх түгэни тиэтэтэн,
Оҕотун көрсүһэр ийэлии
Ойор күн сырдаата мичээрдии,

Кыталык хатыҥнар
Кырдалга ол тэйэн сүүрбүттэр,
Соһуйа-долгуйа нуоҕайан
Сайыһа одуулуур аар-хатыҥ.

Хос ырыата:

Кууһуум дуу ол сырдык саҕахтан
Кустуктуу ахтылҕан ырыанан.
Мичээрэ үөрээриий биэбэйим,
Мин нарын кырдьаҕас ийэккэм.

Үйэ саас кэхтибэт кэрэнэн
Үөрүүнү, олоҕу ситимнээн,
Илгэлээн түөһүгэр биһиктиир
Ийэ сир күн аайы киһини.

Ахтылҕан дьэргэлгэн сүүрүгэ
Аймаама эрэллээх сүрэҕи,
Олоххо дьоро күн күөрэйэн
Олоҕу, дьоллоорууй ийэни.

Сүрэхпэр мичээрэр чээл сааһа,
Хатырбыт тарбаҕыҥ сылааһа.
Илиибин ыл, ыга тут, ийээ,
Бил махталбын эйиэхэ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).