АЛБАН ААТ, ВЕТЕРАННАР! Печать    
Семен Капитонов тыллара

Чиҥ-чиҥник үктэнэн иһэллэр кинилэр
Өһүөннээх өстөөҕү кыайыынан типпиттэр,
Билигин даҕаны эрдээхтик хардыылаан
Ааһаллар кыраҕы буоларга ыҥыран.

Хос ырыата:

Ветераннар, ветераннар эһиги -
Уот сэрии умаппыт сулустара,
Кырдьаҕас саллааттар, эһиэхэ -
Аан дойду баараҕай албан аата!

Эһиги чэгиэн эр эккитин-сииҥҥитин
Түөкүн үөн-сибиньиэс тэһитэ тэппитэ,
Түөрт сыллаах өлүүгэ сидьиҥи сиҥнэрсэн
Тохторбут хааннаргыт Кыайыыга тыын биэртэ.

Хос ырыата.

Ол иһин дьылҕаҕыт айхалын чааһыгар
Эдэр саас эһиэхэ иккистээн эргиллэр,
Мохсоҕол хараххытсырдыргыыр кыымыгар
Ыар айан бойобуой суоллара тиллэллэр.

Хос ырыата.

Түөскүтүн кууспалыыр орденнар, медаллар
Хас хотуу, хаан тохтуу сибэтиэй сэһэнэ,
Сир үрдүн үрүн күн үөрдэрин туһутар
Бу сэһэн үйэттэн-үйэҕэ кэпсэннэ.

Хос ырыата.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).