УРУУ ЫРЫАТА Печать    
М. Эверстова тыллара

Дьолгутун түстээбит
Дьоһуннаах күҥҥүтүн,
Үөрүүнү үөскэппит
Үтүөкэн чааскытын.

Уруйдуу туойабыт,
Айхаллыы турабыт.

Кэскиллээх олоххут
Киэркэйэ туруохтун,
Тускулаах үөрүүгүт
Дьолунан туолуохтун.

Уруйдуу туойабыт,
Айхаллыы турабыт.

Ыраас диэн санаалаах
Ылбаҕай ыал буолуҥ,
Илгэлээх-быйаҥнаах
Ичигэс дьиэлэниҥ.

Ыллыыбыт-туойабыт,
Ыал гына турабыт.

Сир Ийэ киэргэлин
Сэргэтэ төрүттээҥ,
Ыал буолбут бэлиэтин
Ыччатта кэккэлээҥ.

Ыллыыбыт-туойабыт,
Ыал гына турабыт.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).