КҮӨХ АЛААҺЫМ КЫРГЫТТАРА Печать    
Р.Платонов тыллара

Сарсыардаттан ходуһаҕа
Үлэ күөстүү оргуйар.
Эр киһини үөрдэр-сүүрдэр
Сэргэх дьоммут кэллилэр.
Сөдүөччүйэ, Өкүлүүнэ -
Сахам үтүө дьахталлара,
Күөх алааһым хотуттара.

Охсооччулар күн ортото
Омурҕаҥҥа тахсаллар.
Күөсчүт-асчыт хаһаайкалар
Күө-дьаа буолан көрсөллөр.
Саргылаана, Ньургустаана -
Сахам нарын дьахталлара,
Күөх сайыммыт киэргэллэрэ.
Күннэй, Маайа, Ньургустаана -
Сахам нарын дьахталлара,
Күөх сайыммыт киэргэллэрэ.

Киэһэ буолар, сылаа таайан
Саастаах өттө хаптайар.
Арай кими эрэ күүтэн
Утуйбаттар кыргыттар.
Сааскылаана, Кэскилээнэ -
Сахам кэрэ кыргыттара,
Мин сүрэҕим чопчулара.
Ая, Айна, Айталыына -
Сахам кэрэ кыргыттара,
Мин сүрэҕим чопчулара.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).