АНААБЫР ТУҺУНАН ЫРЫА

Иван Федосеев тыллара, А. Самойлов мелодията

Анаабырбыт долгуна -
Ахсым табам айана
Тууччах, уомул балыга -
Туундарабыт быйаҥа.

Хос ырыата:

Үтүө дойду Анаабыр,
Үйэлэргэ эн аатыр.
Үтүө дойду Анаабыр,
Үйэлэргэ эн аатыр!

Хос ырыата.

Кырса, таба дойдута -
Көтөр-сүүрэр уйата
Анаабыры таптыыбыт,
Айхал ырыа ыллыыбыт.

Хос ырыата.

Сулуһунан ыйдаран
Суолу-ииһи тобулбут
Буурҕа-силлиэ мускуйан
Буспут-хаппыт дьоннорбут.

Хос ырыата.

Киирбэт күннээх сайынын
Күлүмүрдэс халлаанын
Ама, туохха тэҥниэҥий,
Ама, туохха биэриэҥий.