КҮНҮ КӨРБҮТ КҮҮКЭЙИМ

Е. Егоров – Сайдам тыллара, А. Самойлов мелодията

Сайын далай уутугар
Күнүм уота кылбаарар.
Кыһын тунал ньууругар
Ыйым тыган сандаарар.

Хос ырыата:

Күүкэй эбэ хотунум
Күүтэр-ахтар мин дойдум.

Дьиэтэ-уота элбээбит
Дьикти Оҕо Мэҥэтэ
Дьолго манна үөскээбит
Дьонум-сэргэм кэрэтэ.

Хос ырыата.

Күөрэгэйдээх сирэмнэр
Көрө-истэ сынньаныам.
Сылам сылаас күөх сиргэр
Сытан ылан күүс ылыам.

Хос ырыата.

Хотуурунан от охсон
Хоннохторбун хонноруом.
Хонон-өрөөн оҥостон
Хоһоон айан суруйуом.

Хос ырыата.