ТУЙМААДА Печать    
Д. Түбэ тыллара, А. Самойлов мелодията

Табаҕа Хаҥалас хонноҕор
Талыы таалар Туймаадаҕа
Былыргыттан билигин
Сылаас салгын ил гынар.

Туйаарыма эдьиийбит
Суунан, тупсан улааппыт
Өлүөнэлиир Эбэбит
Илгэ быйаҥ бэлэхтиир.

Хос ырыата:

Улуу дьоллоох Туймаадаҕа
Дьокуускайбыт дьэндэйдэ,
Дьүкээбиллии дьиримнээн
Сырдык уота күндээрдэ.

Туймаадабыт налыйда.
Сардааната тэтэрдэ.
Килбик таптал долгуйан
Сүрэхтэрэ тинийдэ.
Истиҥ иэйии имэҥнэрэ
Этиллэрэ бу кэмҥэ.

Табаҕа Хаҥалас хонноҕор
Талыы таалар Туймаадаҕа
Былыргыттан билигин
Сайдам санаа сандаарар.

Чочур Мыраан үрдүнэн
Эйэҕэс эҕэрдэнэн
Уруккуттан кэрэтик
Туруйалар көтөллөр.


 

Сайт зарегистрирован в Федеральном Агентстве
по информационным технологиям
Свидетельство №11945 от 6 мая 2008 года

Автор проекта - Синильга
сайт открыт 17 августа 2007 © Ырыа кырдала
Условия использования материалов, размещенных
на сайте «Ырыа кырдала»

Доступ к сайту бесплатен для пользователей
Экспресс-Сеть, Гелиос-ТВ, ЯГУ, Наука, Оптилинк, Сахаспринт и по льготному пиринговому тарифу
для сетей ADSL и "Столица" (7 коп./1 мб).